ZURICH, Suiza- E reciente bombardeonan realisa pa Merca conhuntamente cu Francia y Gran Britania na dos centro di produccion di armanan kimico na Siria, a cuminsa genera incertidumbre riba e desaroyo di e Copa Mundial Rusia 2018, cual ta programa pa dia 14 Juni pa 15 di Juli proximo.
Pakico? Rusia a manifesta contra di e bombardeo di Merca y ta respalda Siria y e regimen di Bashar al Asad. Mientras, Moscu, sede principal di e mundial, e region di mas grandi di e pais cu ta fungi como centro politico y cultural mas importante di e continente, a declara cu Merca a haci un montahe na Duma, den un pais “rusofobo”. Incluso su presidente Vladimir Putin, lo convoca un reunion urgente den e conseho di siguridad di ONU.
No obstante, Gianni Infantino, presidente di e Federacion Internacional di Futbol Asocia (FIFA), a fria el panorama deportivo y a manifesta confiansa den cual e situacion di crisis politico entre Rusia y algun pais occidental, no lo afecta ni tampoco desfavorablemente na e realisacion di Copa di Mundo.
“Mundo ta bibando un situacion bastante delicado en genera, pero mi ta convenci, esaki lo no tin niun impacto negativo den Mundial Rusia 2018. Mi ta kere, e ta bay ta lo contrario”, el a declara na ceramente di e di 68 edicion di e Congreso Ordinario di e Confederacion Sudamericano di Futbol (Conmebol).
Na mes momento, Gianni Infantino a remarca:” E boycott y e conflictonan nunca a duna bon resultado”.
“Manera cu presidente di Argentina, Mauricio Macri, a bisa, futbol tin e poder di uni hende, futbol ta e deporte di hende y hende no kier violencia, no kier destruccion ni tampoco nan kier guera, hende kier celebra”, Infantino a subraya.
Varios pais a anuncia cu nan lo no manda delegacionnan politico pa e Mundial 2018, despues di e crisis pa e venenamento cu a causa morto di un ex spion den Reino Uni.
Pero e “Rusonan kier habri porta di Rusia y pa hende bin celebra futbol y no haci politica”, e maximo dirigente di futbol mundial, Infantin a insisti.
El a destaca tambe e balor inicial di un Copa Mundial. “Ta nos responsabilidad como presidente di FIFA cu tur hende ta bon bini na Rusia pa celebra futbol y si esaki por mehora e situacion, miho.
Pero tin contricantenan di Vladimir Putin, presidente di Rusia, cu no ta pensa mescos. E secretario di Relacionnan Exterior Britanico, Boris Johnson, a sigura den Parlamento cu “ta corecto” compara e Olimpiadanan di 1936 di Adolf Hitler, cu e mundial di futbol di 2018, di Putin.
Johnson a ripiti e palabranan di e diputado di e laborista Ian Austin, cu a pidi pa Inglatera retira di e Mundial, y a bisa cu “e ta un perspectiva vies di pensa cu Putin por glorifica e evento deportivo aki”.