HAVANA, Cuba – E fayecido escritor Colombiano, Gabriel Garcia Marquez, a skirbi cu den un ocasion el a mira Fidel Castro, gran amante di icecream, come no menos di 28 scoop den un solo sinta.
Probablemente tabata trata di un historia apocrifa, pero den su exageracion, Garcia Marquez a bisa un berdad fundamental riba e comportacion legendario di Castro, cu tabata alimenta e status cuasi mitologico di e goso durante gran parti di su bida adulto.
Despues cu e su Ehercito Rebelde a deroca e dictador Fulgencio Batista na 1959, Castro no a perde tempo den laga sinti su presencia mas leu di su confinnan di su isla natal. Su principal strategia tabata desafia di manera abierto, cu palabra y hecho, e hegemonia di Merca na Latino America.
E postura ey a convirtie den un figura clave di e Guera Friu, ganando legionnan di ferviente siguido y huradonan enemigo y garantisand’e un luga protagonico den e escenario internacional, algo cu el a probecha a fondo durante e siguiente mey siglo.
Fidel Castro tabata cuentista pa antonomasia, e mas astuto di tur, Lee Anderson a bisa. Na 2008, ora cu debi na su estado delicado di salud, el a retira oficialmente for di su puesto como hefe maximo di Cuba, Fidel Castro tabata e dirigente di e era moderno cu mas tempo a keda na poder: 49 aña.
Desde Bay of Pigs y e Crisis di Misilnan, te na intervencionnan militar Cubano na Etiopia y Angola, den e periodo ey el a logra haci di su isla un superpotencia den e imaginario mundial.
Den casi cinco decada, a mira bay y bin dies presidente Mericano, desde Dwight Eisenhower pa George W. Bush y sobreviviendo na e un biaha aparentemente invencibel Union Sovietico, cu a wordo patrocina mas duradero.
Autonan di Havana
Aunke cu cierto reticencia, dentro di Cuba, incluso su adversarionan tabata mustra admiracion pa e homber kende a goberna nan bida pa asina tanto aña.
Asina e presidente di Cuba, Raul Castro, a anuncia, e morto di su ruman homber Fidel
No tabata importa cuanto nan tabata odi’e, mayoria tabata reconoce den dje e prototipo di e Cubano, un homber cu tabata posee cantidadnan superlativo di cualidadnan cu nan tabata admira.
E “Cubania”, manera hopi di e nacionlismonan, ta un saco caminda cu tin hopi concepto, pero den esencia tin cu wak con pa ta ingenioso, astuto y cu curashi, cualidadnan di cual Castro tabata un ehempel viviente.
E ta un pais unda cu “biba di e cuento” ta un maximo, Fidel Castro tabata e cuentista pa antonomasia, e mas sabi di tur.
Durante e añanan cu el a goberna, e Cubanonan a converti den un pasatempo nacional e intercambio di historia riba su astuto proezanan.
Pero en fin, historia mundial a conoce Castro como un lider cu sigur a sa di hiba un gobernacion pa hopi tempo y tin cu agrega cu hopi di e Cubanonan cu a emigra pa Merca na un manera ilegal, pero cu finalmente nan a keda biba como Mericano, ta contento cu e lider Marxista aki a fayece, yegando un fin na un era.
Fuente: BBC Mundo