Brandweer a bay haci un control door di diferente yamada cu a haya di indicacionnan cu a cera nan exit door, segun Ferdinand Ponson di Cuerpo di bombero. Pa ley e exit door no mag di ta cera, no mag di tin candal riba dje. Un exito door di parti pafo no por habrie. Den e caso aki ladron no por habrie. Di parti di paden ta un panic bar por pusha y sali pafo. Tin di e portanan ey cu ta pone un alarma riba dje. Asina cu e porta habri, e ta activa un alarma, di manera cu sa cu tin un hende a drenta of sali for di e porta ey.
Den e caso aki, si lock e porta of pone un candal, algo pasa den e luga cu hendenan mester sali, nan no por sali door di e porta ey y nan ta haya nan mes cera den e luga y candela ta crece hopi lihe, di manera cu nan por stick eyden of nan por perde nan bida pa via di un candal of un porta cu obstaculo su dilanti.
Tin hopi supermercado ta haci control riba nan, cu en berdad nan tin un heki na luga di un porta. E heki ey mester tin e panic bar riba dje. Hopi di nan ta yega haya nan cu candal riba dje. Ta bisa e hendenan di e supermercado pa kita e candal, vooral den oranan di trabao mester haci esey. Kita e candal y zorg pa tin un panic bar riba dje den casonan di emergencia. Esaki ta un ley y un obligacion.
Tin hopi supermercado ta bende alcohol, cual ta mara na slijtvergunning y pesey e parti di siguridad mester ta mas halto cu nunca.
Si den e caso aki cu brandweer yega y wak si e no ta cumpli cu e rekisitonan di brandweer, ta yama autoridad di manera cu e vergunning por wordo hala aden cu e consecuencia cu no por tin e entrada ey mas.
Ponson a sigui splica cu si haya un caso caminda cu ta un solo entrada y salida tin, nan no ta duna un goedadvies, e ora nan no ta haya nan vergunning. Nan tin cu drecha esaki. Tin luganan cu tin cu haci extra porta den e establecimento pa por sali pafo.
Nan ta hopi estricto for di basta tempo caba riba esaki. Segun Ponson, esaki ta mara na ley di minister cu ta encarga cun’e, cu ta suppose di ta 6 siman e vergunning drenta cerca nan, sali bay brandweer, caminda cu ta duna conseho. Despues di 6 siman ta suppose di haya un contesta bek caba. Brandweer ta duna 2 pa 3 siman pa haci esaki. A cambia esaki di 2 luna pa e cantidad di tempo aki door di e leynan cu tin den e otro departamentonan cu tin di Gobierno, a recorta esaki. En bes di dos luna, ta duna nan menos cu esey pa cumpli cu e reglanan cu tin den e otro departamentonan, segun Ponson.