Diabierna 31 di Maart pa 7or di anochi den e mahestuoso ballroom di Aruba Marriot Resort and Stellaris Casino, Aruba lo conoce su Atletanan di Aña 2016. E Comision organisador kier a gradici y felicita tur federacion cu un biaha mas a tuma e logronan di nan atletanan na pecho y haci e esfuerzo pa manda nominacion pa e premiacion. Tur e federacionan cu a manda nominadonan pa Premio Excelencia den Deporte y e demas invitadonan lo por pasa busca nan carchi(nan) den e dianan siguiente na oficina di Sportsubsidie Commissie situa den Compleho Deportivo Guillermo Prospero Trinidad na Dakota. E orarionan di oficina ta 8or di mainta pa 12or di merdia y 2or di merdia pa 4.30 di atardi. Por yama 582 5153 pa mas informacion.