Diadomingo atardi, federacion di atletismo y Olympia Track & Field Club a celebra e ASU Olimpiada 2017 cu un tremendo actividad di coremento na Plaza Deto Varis na Sta Cruz. Ta for di den oranan di tempran un cantidad grandi di mucha y hende grandi acompana pa nan famia, amigo y conocirnan a bin inscribi pa e actividad celebrando asina e Olympia ASU Olimpiada 2017. Pa e mas chikitonan por a core e caredanan di 400m, 600m, 1 y 2km mientras pa e muchanan mas grandi y e hendenan grandi mes por a core 3km.
Mester bisa cu apesar di e subida di e caminda esaki no a stop e muchanan di duna un bon presentacion. Nos por a mira varios club di atletismo pero tambe di coremento hasta e club di futbol manera RCA cu tambe a bin cu su muchanan. E apoyabanda di caminda tabata masal, esaki a hasi cu e muchanan tur a hasi nan maximo esfuerso pa caba nan careda. No tin duda cu e apoyo na banda a duna un man den esaki. Algun mayor a opta pa core e ultimo meternan cu tabata falta cu nan yiunan demostrando asina cu a apoyo tey tur ora cual sigur tabata bunita pa mira. Un pabien na Olympia Track & Field y e federacion di atletismo e actividad di coremento.
Un danki sigur na Lotto, e Loteria di Aruba pa medio di Comision di Subsidio cu a yuda subisdia e competencia di coremento organisa pa AAF y Olympia Track & Field enconexion cu e celebracion di e ASU Olimpiada 2017.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.