E aña aki Aruba un bes mas ta sede di un torneo deportivo internacional unda paisnan den nos region ta bin y competi hunto cu e atletanan di Aruba mes. Aña pasa Aruba a host e tradicional y grandioso Aruba Chess Challenge, mientras den 2016 esaki no por tabata falta hunto cu nos bishitantenan di exterior. E dianan 6, 7, 8 y 9 di October proximo, e federacion di ahedrez di Aruba lo tene e torneo anual “Aruba Chess Challenge edicion 2016 cu participacion di atletanan di Alemania, Curaҫao, Suriname y Venezuela. Contrario na e anjanan anterior, e biaha aki e edificio nobo di MFA Paradera lo host e torneo aki. E torneo lo wordo hunga den 3 categoria esta “Open Group” cu premionan efectivo, U-18 y U-12, lo tin premio pa tur hungado den cada categoria.
Mas cu claro pa nos ahedristanan e Aruba Chess Challenge ta un gran oportunidad unico pa midi forza cu e hungadornan di otro pais, cada experiencia ta conta. Recientemente nos hungadonan a participa na e 42nd World Chess Olympiad na Baku, Azerbajian unda a obtene un resultado satisfactorio. Ta invita un y tur pa bin presencia y apoya nos atletanan di ahedrez den e torneo internacional aki.
Un danki sigur na Lotto, e Loteria di Aruba pa medio di Comision di Subsidio cu a subsidia e torneo internacional anual Aruba Chess Challenge organisa pa e federacion di ahedrez Aruba.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.