Algun dia tras e atleta di BMX Feddison Flanders hunto cu coach nacional di bike cross Pedro Estaba a sali pa Santiago Del Estero, Argentina unda cu den e wekkend aki lo tin dos careda grandi esta e UCI Panamerican Continental Championship 2017 y Latin American Championship 2017. Na e careda aki e mihonan atletanan di BMX di henter e continente Americano lo competi na esaki. Diasabra 3 di juni lo tin e UCI Panamerican Continentel Championship 2017 rond 3 mientras pa su mayan diadomingo lo tin e Latin American Championship 2017 rond 4.
Mester bisa cu e atleta Feddison Flanders den e ultimo añanan a bin ta demostra un progreso enorme den e deporte di BMX. E la gana varios careda local mientras na nivel internacional e la hasi un bon papel unda a obtene varios premio pa Aruba. E atleta Flanders tin su experencia den caredanan grandi unda den pasado e la competi den e Weganan Centro Americano y Del Caribe na Veracruz, Mexico como tambe e clasificatorio pa e Weganan Olimpico di Rio 2016 na Colombia.
Un danki sigur na Lotto, e Loteria di Aruba pa medio di Comision di Subsidio cu a yuda subsidia e biahe di e delegacion di BMX pa e dos competencianan grandi na Santiago Del Estero, Argentina
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.