E organisacionnan den Caribe tin tempo extra pa inscribi pa e Appeltjes van Oranje 2018
di Oranje Fonds. Horcan Irma tabatin un impacto enorme riba e islanan y pa e motibo aki, Oranje Fonds ta prolonga e frecha di registro te cu 18 di october. E tema di Appeltjes van Oranje e aña aki ta ‘Empresarionan Hoben y Social”. Esey ta nifica cu actividadnan social inicia pa personanan bou di 35 aña por competi pa premiacion e aña aki. Por registra riba www.oranjefonds.nl/appeltjes. Tur aña den luna di mei, Reina Máxima ta otorga e premionan na Palacio Noordeinde na Den Haag.
Cada aña e otorgamento di premio ta drei rond di un otro tema. Oranje Fonds ta gusta demostra cu hobennan tambe ta tuma inciativo pa frenta problemanan den comunidad. For di esaki ta surgi iniciativanan precioso. Pa e motibo aki, Oranje Fonds a scoge pa pone e spotlight e aña aki riba proyectonan inicia pa e hobennan aki. Pensa riba hobennan cu a start cu un proyecto pa aborda e problematica di soledad bou nos grandinan of pa ofrece nan compañeronan desafortuna un miho futuro.
Criteria
Proyectonancu kier competi pa gana un Appeltje van Oranje tin cu cumpli cu algun condicion. E iniciador mester ta 35 aña of mas hoben, e proyecto lo tin cu dirigi su mes riba conecta y involucra gruponan di hende vulnerabel y inclui boluntariopa ora di traha. Tur criteria pa participacion ta obtenibel ribawww.oranjefonds.nl/appeltjes.Na prome instante organisacionnan den Caribe por inscribi te cu 29 di september. Como cu mas isla a sufri dañonan grave pa horcan Irma u cu esaki tabatin un impacto grandi riba e parti Caribense di Reino Hulandes, Oranje Fonds a dicidi di prolonga e fecha di registro te cu 8 di october.
Premio
Appeltjes van Oranje ta keda entrega na tres iniciativa cu riba un manera exitoso ta conecta diferente grupo di hende cu otro y cu ta percura cu hende ta bolbe participa den comunidad. Tur premio di un Appeltje van Oranje tin un statua di brons, diseña pa Princesa Beatrix, ey un suma di placa di 15.000 euro. Tur aña Reina Máxima ta haci entrega di e premionan.
Oranje Fonds
Oranje Fonds ta sostene proyectonan social na Hulanda y den e parti Caribense den Reino. Cu 30 miyon euro e ta duna sosten na miles di iniciativa cu ta percura pa hende topa cu otro, ta menos solitario, ta haya comprension pa otro y ta compromete nan mes pa yuda un prohimo. Rey Willem-Alexander y Reina Máxima ta desde su inicio e pareha protector di Oranje Fonds. E aña aki Oranje Fonds ta existi 15 aña.
–