WILLEMSTAD – Eleccion pa Parlamento di Corsou lo tuma luga diaranson, dia 5 di October. Pero tur partido ta dispuesto pa bay urna dia 3, esta dialuna. Lider di PAR, Zita Jesus-Leito a manda diabierna merdia un mail pa tur e lidernan politico pa asina drenta den dialogo cu e Hoofdstembureau y minister Etienne van der Horst pa asina hala e fecha mas dilanti. Pero segun Van der Horst, cu ya caba a tuma un decision pa sisigui of no cu e eleccionnan. E Hoofdstembureau a propone cu e escogencia pa un fecha nobo di eleccion ta keda na Van der Horst.
Originalmente esaki lo a tuma luga dia 30 di September pa asina pueblo por scoge un Parlamento nobo.
Pero debi na e tormenta tropical Matthew, manera ya ta conoci cu el a bira un horcan, cu lo a pasa banda di e isla, a dicidi pa pospone e eleccion te cu diaranson, dia 5 di October. Esaki a wordo haci oficial diahuebs merdia durante un conferencia di prensa cu Minister Presidente Bernard “Ben”; Whiteman (PS), Servicio Meteorologico, Hoofdstembureau y Nationaal Rampenbureau. E espera tabata cu Corcou durante anochi di diahuebs pa diabierna, lo a haya awasero torencial y bientonan fuerte y lo a haci un efecto formal
Den su email pa tur partido politico, Jesus-Leito a gradici cu Matthew a pasa e isla, pero tur cos tin cu wordo haci pa e eleccion tuma luga mas pronto posibel. Segun Jesus-Leito, cu durante nan tin mester di solamente dos dia pa por prepara y a propone tambe pa bay dialuna, dia 3 di October urna electoral.
Sin embargo, durante un conferencia di prensa cu Prome Minister di Corsou, Ben Whiteman a tene, el a indica cu eleccion lo tuma luga, pero manera cu a indica anteriormente, riba diaranson 5 di October y no dialuna, manera Jesus-Leito a pidi pe, den overleg.
Durante e conferencia di prensa e prome minister a indica cu tin un wega di bala cu lo ta tumando luga pa 8’or di anochi y ciere di urna ta pa 7’or di anochi. El a mustra cu esnan cu kier mira e resultadonan pa pone un big screen na stadion pa asina ora cu e resultadonan cuminsa drenta, nan por mira esaki mientras cu e partido lo ta tumando luga. Den e mesun rosea, ningun hende no a pensa cu tabata tin un wega te ora cu e fecha di dia 5 a wordo menciona pa e eleccion tuma luga y a reacciona riba esaki.
Fuente Amigoe Corsou/TeleCuracao