FDA ta aproba droga pa dolor di endometriosis

0
RBC Juli 2018
Funmiles-2018

TRENTON (NJ), Merca- FDA diamars a aproba un droga nobo pa trata dolor causa pa endometriosis.
E malesa aki ta consisti di un crecemento anormal di e tejido di e utero cu por causa dolorna grave of infertilidad.
Laboratorio Abbvie a bisa cu e Administracion di Alimento y Medicamento di Merca (FDA na Ingles) a aproba e remedi Orilisa pa dolornan di menstruacion, contacto sexual y demás ocasionnan. Abbvie a bisa cu esaki ta e prome pildo nobo pa trata endometriosis den una decada.
Durante investigacionnan haci, e pildo aki a reduci dolornan menstrual significativamente caminda cu 45% di e hende muhe cu a ricbi un dosis abao y 75% di esunnan cu a haya un dosi halto, compara cu 20% di esunnan cu a haya un placebo. E dolornan menstrual a baha un poco.
E droga ta reduci e produccion di e hormoon estrogeno. Esaki ta provoca efectonan colateral den algún pashent manera dolor di cabes, afixia y reducción di e tejido di e wesonan.
Orilissa lo costa 845 dollar cada cuater siman, sin e seguro.
Ta ser calcula cu un di cada 10 muhe den edad reproductivo ta sufri di endometriosis. E tratamento inicial generalmente cu analgesico di benta liber, opiode y pildo anticonceptivo. Otro opcionnan ta inclui drogana supresor di hormona, cu efectonan colateral importante y tambe cirugia.

Yahoo!

Comments

comments

C: Heineken
new india
dvg