Diadomingo 8 di April a tuma lugar den Stadion Frans Figaroa na noord e continuación di e campeonato di futbol División 1 Grupo A 2017/2018
Caminda cu FC San Nicolaas a topa contra di Estudiantes,
FC San Nicolas actualmente ta na di 4 luga den grupo A y Estudiantes ta na di 7 luga riba e standing.
Den un wega caminda e ekipo di FC San Nicolas a sa di domina e wega den e prome 45′ nan di wega.
FC San Nicolas ta logra habri e marcado na di 4′ di wega caminda nan ta haya un tiro directo y aki nan ta Ronaldo Arrindel #5 riba su camiseta cu ta e Capitan di e ekipo ta los un tiro violento cu e keeper di Estudiantes no por a haci nada cu ta bay piki e bala den net, y asina FC San Nicolas ta bay ariba 1-0.
Na di 34′ di wega Estudiantes ta haya un tiro directo caminda cu e hungado #5 cu ta e veterano Lesli Filomena ta los un tiro cu dal bou di e tubo pa despues bay pica tras di liña pa asina nan empata e wega na 1 un gol.
Na di 38′ di wega riba un tiro di skina pa FC San Nicolaas e hoben #13 Julio Adonis ta logra score un gol di cabes pa manda su team ariba 2-1. Faltando 2 ‘ pa final di e prome tempo riba un contra atake mei mei di tereno e hoben #12 Manuel Reyes ta kita e ultimo homber pa despues kita e keeper pa despues deposita e bala den net pa FC San Nicolas bay ariba 3-1.
Den e prome tempo FC San Nicolas a haya hopi bon oportunidad y tambe a hunga un mihor futbol cu su contricante, Estudiantes a haci algun atake riba gol di FC San Nicolaas pero no di mucho peliger.
Den e di dos parti di wega pa ser exacto na di 68′ di wega Frederick Brown #8 ta amplia e score na 4-1.
Na di 71’ di wega ta e mes un Frederick Brown #8 ta bolbe pone un gol mas riba su nomber pa manda FC San Nicolas ariba 5-1.
Den e di dos tempo e wega a cay den otro caminda cu cansancio a hunga un rol compara cu e prome tempo caminda e wega tabata wordo hunga cu mas velocidad.
FC San Nicolas ta gana e wega cu e score di 5-1.