WASHINGTON D.C., Merca – FBI a laga Congreso Mericano sa cu nan ta para riba nan punto pa no persigui Hillary Clinton pa motibo di su e-mailnan.
E servicio a keda para riba nan conclusionnan di Juli, segun director di FBI, James Comey. Riba dia 28 di October, FBI a laga sa cu nan lo bay haci investigacionnan di nobo, despues cu e-mailnan nobo a wordo intercepta riba un otro caso.
Comey a skirbi den un carta cu e no a haya nada nobo y pesey e conclusion no ta otro. E carta a bin dos dia prome cu e eleccion Presidencial Mericano.
E partido Democrata a laga sa den un reaccion cu nan ta contento. “Semper nos a keda cu e confiansa cu e decision di Juli no lo wordo revisa,” e vocero di Clinton, Brian Fallon, a skirbi riba Twitter.
E candidato presidencial Republicano, Donald Trump a enfatisa diadomingo cu Clinton ta wordo “protehi pa un sistema inhusto.”
Asuntonan Exterior
Clinton a uza den su temporada como minister di Asuntonan Exterior (2009-2013) un server priva pa manda su e-mailnan formal. Pasobra cu servernan priva ta mas delicado pa hackers cu servernan di gobierno, FBI no por a garantisa cu e informacion cay den mannan di gobiernonan exterior.
Sinembargo, e candidato presidencial Democrata semper a nenga di a manda of ricibi informacionnan secreto, FBI a bisa cu esaki si tabata e caso den 110 e-mail.
Apesar cu Clinton a manda y ricibi informacionnan confidencial via su server priva, e servicio a dicidi pa no persigui’e. Si FBI a laga sa cu el a maneha esaki “extremadamente slordig.”
Critica
Despues cu Comey riba dia 28 di October, a laga sa cu nan lo rehabri e investigacion riba e e-mailnan, a hiba na hopi critica. Diferente politico a laga sa cu lo influencia e eleccionnan, si e pasonan aki por influencia e resultadonan.
Fuente: NU.nl