WASHINGTON D.C., Merca – Den un carta na ocho miembro di Senado y Parlamento Mericano, director di FBI, James Comey a bisa cu nan lo investiga emailnan nobo cu por ta pertinente pa e investigacion di Hillary Clinton.
Comey a bisa cu debi na “desaroyonan reciente” nan tabata skirbiendo pa complementa su testimonio previo cu FBI a duna pa ta cla cu nan investigacion riba emailnan di Hillary Clinton, ex Secretaria di Estado y actual candidato democrata pa presidencia.
“En conexion na un caso no relaciona, FBI a haya sa di e existencia di e emailnan cu ta kere cu ta pertinente na investiga. Mi ta skirbi boso pa informa cu e ekipo investigativo a informa esaki ayera y mi ta di acuerdo cu FBI tin cu tuma pasonan investigativo apropia pa wak e emailnan aki y determina si nan ta contene informacion clasifica, mescos cu evalua su importancia den e investigacion,” el a bisa.
“Aunke FBI ainda no por sigura si esaki ta un material significativo, no por predici ki tanto e trabao adicional aki lo tuma nos, mi ta kere cu ta importante actualisa na su comitenan riba nos esfuersonan na luz di mi testimonio previo,” el a añadi.
Fuentenan cercano ta bisa cu emailnan recientemente descubri no ta relaciona cu Wikileaks of Fundacion Clinton.
E caso a sosode 11 dia prome cu e eleccion.
Fuente: CNN en Español