Autoridadnna a adverti cu e tipo di atakenan aki ta tuma luga den weekend ora cu banconan ta cera y esaki ta e momento mas vulnerabel di e banco.
FBI ta adverti di un grupo di criminalnan informatico cu lo ta planeando un atake na gran escala na nivel mundial ariba ATM machinenan y asina aki, horta miyones di dollar.
For di diabierna ultimo, autoridadnan Mericano a cuminsa notifica banconan pa un posibel atake dne cual nan lo uza un virus pa hack e ATM machin, enan, pa por clone ATM cardnan cu ta wordo uza den e machinenan aki.
E criminalnan informatico, pa logra e robo, ta drenta den e sistema y ta elimina notificacionnan cu ta wordo manda riba un posibel fraude. Despues, ta cambia e limite di e cantidad di placa disponibel den e ATM machine. Autoridadnan ta denomina e tipo di robonan aki como ATM Cash -Outs segun e corant USA Today a informa.
FBI ta adverti cu e tipo di atakenan aki ta wordo ehecuta den fin di siman, ora cu banconan ta cera. Esey ta e momento di mas vulnerabel di e sistema.
Despues di un robo na un banco cooperativo Cosmo na India, caminda cu hackernan a bay cu 14 miyon dollar mediante 12 mil transaccion den ATM machinenan na Hong Kong, India y Canada, FBI a lansa su advertencia pa Merca.
Pa evita e tipo di atakenan aki, autoridadnan ta sugeri banconan medidanan cu nan por tuma pa asina evita un robo masivo. Entre e medidanan ta para pa exigi clientenan pa uza e verificacionnan caminda cu mester uza dos code pa por haya acceso na e ATM- machine.