Diahuebs 5 di janauri 2017, FAVI a celebra den un forma hopi bunita e aña nobo cu nos a caba di drenta.Cu su cliente y boluntarionan FAVI a gosa di e musica di Grupo di Betico kendenan a bin trece suerte den FAVI cu un dushi dande. Despues Grupo di Betico a sigui entretene e clientenan cu musica tradicional di e grupo. E clientenan di FAVI a sa di gosa di e participacion di Grupo di Betico bailando sin stop.
E actividad a wordo organisa dor di nos Guia di Actividad, Charlène Marchena y a tuma luga na FAVI su centro na Primavera 233.
Clientenan a gosa masha hopi di e incio di aña 2017 na FAVI. Nos kier a yama danki na Grupo di Betico pa e contribuicion musical cu a haci e actividad mas dushi pa nos clientenan por a gosa di dje.
FAVI ta spera cu henter pueblo di Aruba a habri un aña nobo 2017 yena cu salud, amor, bendicion y prosperidad. FAVI un bes mas tey den 2017 pa sigui brinda e persona cu limitacion di bista tur e oportunidadnan posibel pa sigui crece. Ariba e combinacion di potret por mira mas di e celebracion aki.