PARIS, Francia – Presidente Juan Manuel Santos a anuncia na Paris, cu awe diabierna, ora cu confirma e entrega di 100% di nan arma FARC, “e guerilla mas poderoso y mas antiguo, lo stop di existi.”
Santos a haci e anuncio aplaudi aki durante su intervencion den un foro ecnomico dedica na atrae inversionistanan Frances pa Colombia y cu a conta tambe cu e participacion di e minister di economia Frances, Bruno Le Maire.
“Hopi inversinista no tabata bay Colombia door di ta un pais cu un conflicto arma interno,” e presidente Colombiano a asumi, ante un audiencia empresarial congrega den e sede di e Ministerio Frances di Economia, hunto e riu Senne.
“E costo di e guerra tabata enorme. Tabata tin ocho miyon di victima despoha di nan tera cu a drenta den e trampa di pobresa extremo. E productividad di e personanan aki a baha entre 50% y 80%,” el a abunda.
Cu fin di e conflicto, e personanan aki lo regresa na nan “habitad natural.”
E presidente a recorda cu e indice di secuestro y homocidio den e pais ta esun mas abao den decadanan y a comenta cu e conflicto arma na Colombia a hiba cu “mita di e pais” ta pa desaroya, pasobra e Estado tabata tin luganan caminda cu no por a bay.
“E beneficionan economico lo bay ta hopi importante,” Santos a comenta, kende a mustra riba e aumento di PIB door di tin e pais pacifica den entre un y dos puntonan porcentual adicional pa aña.
E mandatario, kende a realisa un extenso y positivo balance di su shete añanan na mando, apoyando riba datonan di organismonan internacional, a mira den e desaroyo agropecuario un di e vectornan pa explota den e economia Colombiano.
Nos tin “ e tasa mas halto” den recepcion di inversion stranhero di henter Latino America, Santos a reivindica, kende a asevera cu tin cu atrae e capital Forraneo y si esaki ta Frances, miho.
Segun datonan di e organismo di promocion estatal “ProColombia,” e pais a atrae mas of menos un 200 empresa, cual inversion na 2016 a aumenta 10,8% respecto na 2016 pa 200 miyon di dollar.
E presencia aki a hiba Francia na ta e pais stranhero cu mas a genera trabao na Colombia cu 100 mil cupo di trabao directo.
Den e forum, tabata ti representante di multinacionalnan Frances manera Vinci, Seuz y Alstom, di e sector di infrastructura y transporte, di Sanofi, di e area farmaceutica y Safran, di aeronautica.
Pa convence mas inversionista, Santos a realisa e stabilidad di cuenta di e pais – punto cu ta skirbi den nan Constitucion -, e garantia huridico, e reduccion di pobresa, e cobertura universal di sanidad, e aumento di e clase media cu “ta consumi y genera dinamica” y e inversion den educacion.
E minister di economia, Le Maire, a destaca e sintonia cu ta existi entre e Gobiernonan di Francia y Colombia a cita e comite strategico Franco-Colombiano como ehempel di e interes mutuo caminda cu e relacion entre ambos pais “ta reforsa.”
Santos a caba awe cu su bishita di tres dia pa Francia cu un cita na Unesco, e inauguracion di un plaza na Paris cu nomber di e premio Nobel di Literatura, Gabriel Garcia Marquez y e apertura cu un concierto di Aña di Colombia na Francia.
Fuente: www.elespectador.com