FARC ta retira for di e campaña presidencial

0

BOGOTA, Colombia – E candidato di Presidencia di Colombia pa partido FARC, Rodrigo Londoño, conoci como “Timochenko” den su epoca di guerrillero, diahuebs a renuncia na su aspiracion debi na su problemanan di salud, según su partido a anuncia.
E number dos di FARC, Ivan Marquez, a referi su mes na operacion di curason na cual Londoño a wordo someti na dje na Bogota y el a lesa un comunicado unda cu e ta bisa di e situacion y e supuesto falta di garantia politico, a oblig’e di retira for di e careda presidencial.
“Circunstancianan ampliamente conoci pa e opinion publico over di e proceso di recuperacion di nos candidato ‘Timo’, despues di e operacion di diaranson, hunto cu e falta di garatianan politico, a hiba nos na renuncia na nos aspiracion presidencial”, el a manifesta.
Despues di e retiro di Londoño, FARC lo no presenta otro candidato presidencial den e eleccionnan di dia 27 Mei proximo. Esaki apesar cu e ta den e tempo ainda pa busca un reemplasante.
Door di e acuerdo di paz, FARC tin garantisa dos periodo consecutivo cinco senador y cinco representante den parlamento, independientemente di e cantidad di voto cu nan haya diadomingo.
Fuente: http://www.elmundo.es

Comments

comments