MOSCU, Rusia-E Argentino cu a probecha di un hoben Ruso pa graba un joke cu lenguahe vulgar a wordo expulsa di Mundial 2018. Esaki ta riba orden di e minister di Siguridad di Argentina, Patricia Bullrich. E noticia aki a wordo confirma pa e director di Siguridad den Espectáculos Futbolistico di e organismo politico aki, Guillermo Madero.
Autoridadnan di e pais Latinoamericano a condena e comportamento di e homber aki pa ta “deshonesto, indecente. Berdaderamente e adhetivonan no ta yega pa describi e homber aki”. E homber ta wordo prohibi pa drenta stadion durante e resto di e torneo door cu miles di su compatriotanan ta den teritorio Ruso y tin comportamento ehemplar”, segun e funcionario a manifesta. E fanatico a wordo identifica como Néstor Fernando Penovi.
Embahada Ruso na Argentina a sigura cu nan ta profundamente indigna pa e lenguahe obseno y ofensivo cu e fanatico aki a comete cu e juffrouw aki.