ZIMBABWE, Africa – Un olifante a mata un jaagdo Sur Africano na Zimbabwe despues cu el a ay riba dje despues di ricibi un tiro, responsabelnan y medionan local a informa dialuna.
Theunis Botha, di 51 aña, un profesional specialisa den jaagmento cu cacho, a muri diabierna, den e parti west di e pais Africano. E tabata lidera un grupo di jaagdo den e region di Gwayi ora cu cuater olifante hembra a carga contra nan pa proteha nan cria. Un di e elefantenan a lanta Botha cu su slurf y e otro jaagdo a mata e animal cu un tiro, segun e website di informacion, News24. Ora cu e animal a cay, e animal a placha Botha, causando heridanan mortal.
Simukai Nyasha, vocero di e autoridad cu ta cuestiona e parkenan y naturalesa na Zimbabwe, a confirma e morto na AFP.
“E incidente desafortuna a sosode ora cu e jaagdonan a yega na e centro di un manada di cria di olifante y a wordo ataca pa e hembranan,”el a splica, añaciendo cu e jaagmento tabata autorisa.
Botha, tata di cindo yiu, tabata organisa “jaafmento di trofeo” pa clientenan y hopi biaha di Merca, dispuesto pa paga miles di dollar pa mata leopardo, girafe, olifante y otro animal.
Fuente: http://www.elcolombiano.com