DEN HAAG, Hulanda – Tres di e cinco agentenan cu tabata envolvi den e aresto fatal di Mitch Henriquez, no lo wordo persigui. Famianan di Henriquez a pidi pa nan persecucion na corte di Den Haag, pero e peticion aki a wordo rechasa.
Pa e morto di Henriquez na Juni 2015 na Den Haag, momentaneamente dos agente ta wordo persigui. Famianan di Henriquez a reforsa e asina yama Artikel 12-procedure tambe riba e otro tresnan pa persigui nan.
Amplia e acusacionnan
Nan ta haya cu tur cinco mester wordo persigui pa e morto di Henriquez. Ademas e acusacionnan contra tur cinco mester wordo amplia cu “in hulpeloze toestand laten” di e homber.
Henriquez a wordo deteni dia 27 di Juni den Zuiderpark na Den Haag despues di un festival di musica. Durante su detencion, forsa bruto a wordo uza door di polis. Henriquez a fayece e siguiente dia den hospital.
Recientemente, den un informe nobo, a bin padilanti cu no tabata strangulacion, pero un paro cardiaco como e causa mas probabel di morto.
Fuente: RTL Nieuws