Famia y amistadnan di Sarahi Sierra a reuni hunto dilanti Ad Patres Funeral Home

0

Diabierna 3 di November, Aruba ta conoce un otro caso di asesinato unda cu e hoben Sarahi Sierra ta wordo asesina den su cas. Despues cu autoridadnan a haci nan investigacion, a laga e curpa liber pa asina e wordo dera.

Diabierna ultimo, 10 di November,  tabata exactamente un siman despues di e asesinato aki cu a trece dolor y tristesa pa e famia y famianan a organisa un vigilia dilanti di Ad Patres Funeral Home.

Den oranan di anochi di diabierna, famia, amistad y tambe Fundacion Lisette Gomes a bini hunto dilanti di Ad Patres Funeral Home, caminda esunnan presente tabata bisti na blanco cu bela den man. E belanan a wordo cendi, elevando asina un oracion na Tata Celestial pa e descanso di e alma di Sarahi. Sigur un anochi hopi emocional pa tur esunnan presente.

Diasabra a hiba Sarahi na su ultimo luga di sosiego.

LEAVE A REPLY

Please enter your comment!
Please enter your name here