MARQUETTE COUNTY, Michigan – Polis na Marquette County ta kere cu Tysen Benz a colga su mes dia 14 di Maart, despues cu su mama a mira cu el a post riba social media, caminda cu el a indica cu su amiga di 13 aña a comete suicidio.
Tysen, 11, a muri diamars. Riba diahuebs, autoridadnan a anuncia cu cargonan a wordo haci contra di un otro hoben, di cual Polis di Marquette, a bisa cu Tysen tabata “den comunicacion cu otro” prome cu su suicidio.
Un GoFundMe account a wordo crea na nomber di Tysen, dianan despues cu el a wordo haya ta colga na su nek den su camber. Te asina leu, fondonan a wordo recauda di casi 35 mil dollar di un meta di 50$ mil.
Riba e pagina, mama di Tysen, Katrina Goss a yama su defunto yiu un “atleta, comediante, amigo, ruman, carismatico y un mucha generalmente asombroso.”
“Riba diamars, dia 14 di Maart, impulsivamente el a scoge pa caba cu su bida como resultado di un acto horifico di un joke riba social media, cual ta bao di investigacion door di autoridad. El a keda wanta cu ayudo di life support te cu diamars, dia 4 di April. Awo e ta liber y e por sosega na paz,” Goss a skibri.
Fuera di e recaudacion di fondo, e comunidad a saca un man pa tanto Goss y pa hobennan na riesgo di suicidio tur caminda, cu un mensahe di amor y sosten.
E menshe ey a bay internacional ya cu e storia di Tysen y e campaña di Facebook “Together for Tysen” a extende hopi leu.
“Katrina. Palabranan no por expresa i condolencia. Mi ta duna les na muchanan di 11 na Barranquilla Colombia. Nos a bin ta haya hopi problema cu cyberbullying na nos scol. Asina ta mi a dicidi di conta e storia di bo yiu,” un docente a skirbi riba e pagina “Together for Tysen.
Asina conmovi e studiantenan di e docente na Colombia tabata cu nan a post un potret di nan mes trahando un T pa Tysen cu nan dede mientras cu potret di e hoben di 11 aña wordo ilustra.
“Danki pa comparti bo storia y Dios bendicionabo y bo yiu asombroso,” e docente a bisa Goss.
Mientras cu e sosten di Goss a bin ta crece, asina e investigacion ta sigui den loke a resulta di e suicidio di su yiu.
Goss a conta The Associated Press cu ningun hende envolvi den e joke a conta un adulto despues cu su yiu a anuncia su intencion di mata su mes.
“Henter e cos a sosode den 40 minuut,” Goss a bisa. “E tabata bon y despues mi a hay’e. Mi no tabata sa cu el a haci esey cu su mes.”
Riba diahuebs Marquette polis a anuncia cu fiscalnan di e condado a autorisa cargo di e servicionan di telecomunicacion – mal uzo y computer – uza pa comete un crimen. Polis no a identifica kende ta wordo culpa di e cargonan, identificando e sospechoso solamente como un hoben.
Fuente: Inside Edition