Den Haag, HULANDA- Famia di e Arubano, Mitch Henriquez den un kort geding ta exigi e nomber di e cinco agentenan cu tabata involucra den su morto na Juni 2015. Esaki a wordo confirma door di nan abogado Richard Korver.
Den e caso cu lo tuma luga diabierna na Den Haag contra di Estado Hulandes, Korver lo kier pa e nombernan wordo divulga, e.o. pa motibo pa un investigacion mas profundo di e agentenan aki, nan pasado y nan posibel responsabilidad pa dañonan sufri.
Den punto di bista di Korver, gobierno ta protegiendo e agentenan aki eroneamente. “Cada ciudadano Hulandes di tene e delincuentenan responsabel, asina tambe mi clientenan. Pero e famia no tin niun idea di ken e malhechornan ta”, segun Korvers den un comunicado.
Segun e abogado, ta haci diferencia entre sospechosonan normal y agentenan policial. “Mi no ta compronde cu por tin diferente regla pa nan, mientras cu e ciudadano comun si mester wak su nomber tur caminda. Esaki ta contrario na e opinion publico di cualkier persona den un proceso penal.
A causa di e morto di Henriquez, tabata tin disturbionan pa cuatro anochi sigui den e bario Schilderswijk na Den Haag. Polisnan a wordo tira cu piedra door di manifestantenan, cu a destrui vitrina di negoshinan y a cende cosnan na candela. Mas di 200 persona a keda deteni durante e manifestacionnan aki.
Fuente: www.anp/nu.nl