Diabierna merdia ruman ta yega cas na De Vuyst y haya su ruman muhe den baño no ta reacciona, y e tabata tin saco na cabes y mara cu waya. E ruman a sali na careda bay na cas di famia pidi yudansa.
Ora cu famia ta yega e cas, nan ta constata e situacion penoso y ta bati alarma na Polis. Patruyanan ta yega di biaha y cera e area y recherche hunto cu departamento forensico di Cuerpo Policial a presenta pa bay haci investigacion profundo na e cas. A cera e area pa ningun hende yega cerca.
E investigacion lo determina kendenan ta responsabel pa e crimen aki. Dokter tambe a presenta pa asina constata morto di e mucha muhe S.Sierra 18 aña y a bay laga un yiu chikito di casi 3 aña atras.