Diahuebs ultimo Brazil Taekwondo Stichting tabata tin reunion tocante di e biahe pa Korea, mirando cu ta falta solamente 1 siman mas pa e team di “Train Hard Fight Smart” biaha pa Korea. E team di 6 atleta awor a bira 4 door di situacionnan for di alcance di Brazil Taekwondo Stichting. Brazil Taekwondo Stichting a haci tur esfuerso, pero te eynan Brazil Taekwondo Stichting a yega.
Durante di reunion a discuti tocante di regalo di pasco pa e atletanan, pasobra ta tradicion di Brazil Taekwondo Stichting pa e muchanan. Despues di e biahe di Korea y e relato, nos lo discuti y evalua den ki direccion lo bay. Un cos sigur si ta cu Brazil Taekwondo Stichting lo participa na e Pan Americano di Taekwondo, pasobra Záhyon Klabér a clasifica pa esaki. Tin e Open di Argentina y di Costa Rica tambe y tin e Canada Open. Ta varios campeonato di G ranking tin y nos lo participa na esakinan pa asina por midi e atletanan y sigui representa Aruba na grandi internacionalmente. Nos a discuti tocante di e lugarnan cu nos lo bishita pa saca potret pa e calender di 2018, esaki lo sigui den luna di Juli. Esaki ta un proceso cu ta tuma su tempo, mirando cu e calender mester keda cla pa luna di September pa asina cuminsa bende esakinan. E meta pa recauda fondo ta pa cumpra un bus nobo pa transporta e muchanan, protector nobo pa e muchanan y mas material pa training. E bus di Brazil Taekwondo Stichting ta den un estado cu ta pidi pa un otro. Josefa Willems a presenta e estado di cuenta y kico tur tin pa paga pa asina sr. Willy Willems por paga esakinan.
Sra. Danica Delamore a bisa cu nos lo bay cu un vakantie chikito pa asina e muchanan tambe por haya un descanso chikito pa despues start bek na luna di Juli bay te cu December y sigui bay full trot. Nos a menciona tocante di e Youth Olympic Games di Taekwondo na aña 2018.