WASHINGTON D.C., Merca – E dollar lo subi solamente liheramente a lo largo di e proximo aña pa e disminucion di e expectativanan di amplio recorte di impuesto na Merca y multiple alsa di e tasanan di interes di e Reserva Federal, un sondeo di Reuters a mustra diahuebs, entre e strategianan di cambio.
E operadornan di moneda tambe a bisa cu nan a mira e riesgonan pa e dollar mas inclina pa baha.
Tras di subi algo mas di 30 porciento den e ultimo cinco añanan, e denominado indice dollar, cu ta midi su evolucion contra un cesta di seis moneda principal, a cay mas di 5 porciento e aña aki.
E consenso di e ultimo sondeo a apunta cu e Euro lo mantene su mes rond di e nivel di 1,1 dollar caminda cu ta negocia diahuebs dentro di uno, tres, seis y 12 luna.
E creciente tension politico na Washington riba e presidencia di Donald Trump a plantea preocupacionnan di demora den e esfuersonan di e administracion Mericano pa implementa recortenan grandi di impuesto y a presiona e bahamento na momento di bahamento di e dollar.
E factor aki a wak su mes refleha den e ultimo sondeo di Reuters entre mas di 65 estratega, revela e ultimo siman, cu a mustra ganashinan adicional hopi modera pa e moneda Mericano den e aña padilanti.
E speculadornan cambiario tambe a recorta nan apuesta na fabor di e dollar, na minimo desde September, di acuerdo cu e ultimo datonan di e Comision di Mercado di Futuro di Materianan Prima di Merca (CFTC).
“Tin hopi decepcion pa e ritmo di e reformanan, e recortena impositivo, e reduccion di regulacionnan na Merca, y nos opinion ta cu FED por subi e tasanan di interes na Juni, no por haci’e di nobo pa e resto di aña,” Jane Foley, estatega di cambio di Rabobank a bisa.
“E preocupacion ta cu Trump lo mester gasta hopi energia den contraresta e escandalonan y como tal, no lo por impulsa e reformanan. Esey ta sugeri cu e expectativa di e administracion, di logra un crecemento economico di 3 porciento, ta hopi leu,” el a agrega.
E secretario di Tesoro Mericano, Steven Mnuchin, a ripiti luna pasa cu e economia no lo crece 3 porciento ni e aña aki, ni e proximo, en linea cu un sondeo di Reuters.
Consulta riba e riesgonan pa e prediccionnan di dollar den e proximo aña, un mayoria amplio di estratega a bisa cu nan tabata mas inclina pa e bahamento.
Na comienso di e aña, e vision tabata exactamente opuesto. E tempo ey, un mayoria grandi di estatega tabata convenci cu e riesgonan lo punta mas pa e hisamento.
Igualmente, a premira cu e Reserva Federal lo a subi e tasanan di interes na Juni. Pero e datonan mixto di e crecemento Mericano den simannan reciente ademas di e ultimo minuutnan di Fed, a contribui na baha algun di e provisionnan mas estricto den e mercado.
En cambio, e disminucion di e riesgo politico, despues di e resultado electoral Frances y un mehoramento di e perspectiva economico a lo largo di e zona Euro, a impulsa e moneda unico mas di 7 porciento e aña aki.
E apuesta di e speculadornan di moneda na fabor di e Euro, a crece al maximo den mas di tres aña, segun e datonan di CFTC.
Pa varios aña e analistanan a pronostica cu e Euro lo alcansa e paridad cu e dollr y hasta lo a cay bao di e nivel aki, pero den e ultimo lunanan e proyeccion aki a wordo bandona.
Fuente: www.reuters.com