Diabierna mainta un gran cantidad di persona a yega Corte di Husticia pa asina sinta den e caso di sospechosonan di caso “Speeltuin”. Ademas di famia di e victimanan y e sospechosonan, tabata tin un gran cantidad di interesadonan, aunke no ta tur tabata basa ariba interes profesional.
Na comienso di e caso a bin resulta cu no tabata tin luga di sinta pa tur e hendenan aki, pa cual a duna preferencia na e famia, a costa di otronan. Esaki sigur a trece basta decepcion, cual Corte ta compronde y ta lamenta esaki. Pero Corte mester por brinda siguridad na tur esunnan presente den e edifcio. Esey tin ora tin como consecuencia cu lo mester tuma cierto decisionnan cu no ta na agrado di tur hende.
Awo padilanti Corte lo evalua e admision pa casonan den futuro, y den caso cu ta necesario, zorg pa tin un conexion di video den un otro sala, semper y cuando cu esaki ta posibel.