Sra. Rulienne Arends, di FADA a splica cu ya nan ta preparado pa duna charlanan pa e muchanan nobo cu ta cuminsa e klasnan mas halto. Sra. Arends ta splica mas over di e plannan di FADA.
Tin un otro hoben cu recien a cumisna, cu apesar cu nan ta chikito cu ta hoben. Door cu nan a caba scol poco tempo pasa, nan sa con e draai ta na scolnan. Ora e hobennan ta den charla, p.e. Loke FADA ta siña di e hobennan, nan ta hinca den e charlanan y presenta esaki na e otro scolnan.
Ora e hobennan wak cu FADA ta uzando un palabra cu e hobennan mes ta uza, nan ta sinti cu nan tin hende cu ta worry cu nan. Prome cu scol a cera ya tin algun scol cu a yama pa bin cu charlanan pa ora scol habri.
Ta hopi importante pa scolnan tuma contacto cu FADA, ya cu nan ta bezig cu companianan tambe pa organisa charlanan. Pa es motibo ey ta urgi tambe pa e scolnan pa tuma contacto cu FADA mas lihe posibel.
Constantemente FADA tin un pa dos charla pa dos siman y nan tin nan periodo cu nan ta mas druk. Sra. Arends hunto cu otro dos colega, preventie medewerker ta duna e charlanan. Nan ta un team chikito pa Aruba pero nan ta haci nan esfuerzo te unda cu nan por, segun Sra. Rulienne Arends, di FADA.