Durante un entrevista cu Sra. Rulienne Arends di Fundacion Anti Droga Aruba ta preparando pa cosnan nobo pa e aña escolar nobo, mirando cu lo bay trata e tema di hookah.
Aunke cu tabata tin vakantie di scol, FADA a sigui traha duro den vakantie. Pero Sra. Arends a para keto na diasabra cu tabata dia internacional di hubentud. Pa FADA e tabata un dia masha importante ya cu nan ta traha hopi cu e hobennan. Pa FADA ta un placer pa nan tin un dia pa nan, ya cu nan ta esunnan cu aki paar di aña, ta nan lo ta esunnan cu ta eherciendo e trabao y kier a bisanan pabien ainda di nan dia y sigur pa nan prepara pa un temporada escolar nobo. FADA lo tin algun charlanan nobo, aunke informacion ta keda basicamente mesun cos, pero tin algun cos adicional. Pa loke ta e charlanan, FADA tin algun cosnan nobo cu hobennan gusta. FADA siguientemente lo presenta un charla di hookah, unda cu na scol nan ta haya for di e muchanan nan scol, cu hookah no ta haci nada.
FADA mester a prepara algo, ya cu nan ta wak e reaccion di e muchanan, ora di algun charla ora ta trata hookah. Pesey lo bin cu charlanan nobo dedica completamente na hookah. Ta hopi importante pa FADA pa keda den contacto cu e hobennan. Nan ta ariba Facebook, Instagram, Snapchat y hasta Whatsapp.
Sra. Rulienne Arends a splica cu FADA, tambe ta bay hunto cu e tecnologia y asina purba di ta mas cerca di e hobennan.