E moderadornan di e dos rednan social aki ya por blokia cualkier cuenta riba solamente sospechonan di cu e persona no ta cumpli cu e edad minimo.
Facebook y Instagram a haci nan implementacion di nan reglanan tocante edad pa evita cu e menornan di 13 aña tin acceso na e rednan social aki.
Facebook a relata na e portal TechCrunch cu un cambio operacional den su politica pa e moderadornan, cambia e siman aki, lo permitinan di blokia e cuentanan di cualkier usuario menor di edad cu nan haya, incluso si e usuario a wordo raporta pa otro usuarionan. E reglanan aki lo wordo aplica tambe na Instagram.
Esaki kiermen cu e moderadonan lo por block cualkier account riba solamente sospechanan di cu e persona no ta cumpli cu e edad minimo.
Anteriormente, Facebook tabata investiga e perfilnan raporta specificamente pa pertenece potencialmente na menornan di 13 aña y e account tabata wordo controla solamente si tabata tin confirmacion di nan incumplimento.
Si e usuario a wordo blokia inhustamente pa motibonan di edad, pa recupera su account e lo mester manda un identificacion oficial cu potret emiti pa e gobierno di su pais.
Facebook ta prohibi e acceso na usuarionan menornan di edad pa cumpli cu e Ley di Proteccion di Privacidad di Muchanan riba Internet di Merca. E ley aki ta rekeri e consentimento di e mayornan pa haya e datonan bek di e yiunan.
Motibo di cambio
E cambio “operacional” ta bin despues di un documentario undercover realisa pa e Canal 4 di Reino Uni y Firecrest Film, unda cu e periodista a comberti su mes den moderador di e contenido di Facebook.
Den e documental por skucha un moderador cu ta afirma cu nan a haya ordo pa ignora usuarionan cu ta parce menor di 13 aña, argumentando cu “nos mester di tin prueba di cu e persona ta menor di edad, si no, nos lo mester actua como sifuera nos ta ciego y cu nos no sa ciu e menor di edad”.