PARIS, Francia – Facebook y Google a uni na Francia cu algun principal medionan di e pais pa lucha contra e propagacion di noticianan falso, “Le Monde”, un di e corantnan participante a anuncia dialuna.
Tres luna prome cu e eleccionnan presidencial di April y Mei, ta busca implanta den e pais un dispositivo similar na esun lansa na December na Merca y cu lo yega aproximadamente pa Alemania, pa adverti riba entradanan sospechoso.
E publicacionnan, “Le Monde”, “L’Express”, “Liberation” y “20 minutes”, e agencia “AFP” y e cadenanan “BFMTV”, “France Televisions” y “France Medias Monde”, lo traha cu Facebook y su hermentnan di alerta.
Esaki ta permiti e usuarionan pa lansa nan duda riba un informacion. E medionan asocia lo por comproba y si e ta confirma su falta di veracidad, e enlace en cuestion lo bay compaña di un advertencia cu lo aparece tambe na tur esnan cu ta purba di publik’e.
Manera na Merca, esnan cu ta tagged cu e señal aki no lo tin posibilidad di wordo explota cu finnan publicitario riba Facebook y e algoritmo cu ta programa e distribucion di e contenidonan na e usuarionan por reduci e circulacion di e noticia falso aki.
Den paralelo, a anuncia igualmente e lansamento di otro plataforma, participa pa Google y apoya pa Facebook: CrossCheck.
E herment aki, segun “Le Monde”, ta permiti na e publico lansa su dudanan y reuni e informacionnan difundi pa e 16 medionan Frances asocia.
Fuente: NTN24