TECNOLOGIA
CALIFORNIA, Merca – E gigante tecnologico, Facebook Inc lo introduci un proceso di autorisacion pa usuarionan cu ta maneha un pagina di Facebook cu’n cantidad grandi di siguidonan Mericano. Esaki, segun e compania, lo haci e mas dificil pa administra un pagina uzando un account falso.
E medida di siguridad ta bin un siman despues cu e red social a bisa di a identifica un campaña di influencia politico ccoordina riba su plataforma pa gaña usuarionan en bista di e eleccionnan pa Congreso Mericano na november proximo.
Ya caba Facebook a delete 32 pagina y cuentanan for di Facebook y Instagram como parti di un esfuerso pa combati influencianan di exterior den eleccionnan Mericano.
E medidanan nobo aki lo rekeri adminstradornan di paginanan di Facebook pa sigura nan cuenta cu autenticacion di dos factor y confirma na locacion local primario.