DEN HAAG, Hulanda – E Prinsjesdag aki lo bay tin e miho edicion di siguridad nunca antes bisto. Polis a laga pone hekwerknan special y robusto, cu bareranan pa asina proteha e publico cu lo bin diamars proximo, contra cualkier atentado den vehiculo.
Aña pasa caba entradanan rond di e ruta cu e koets, a wordo cera cu baricada di trucknan di carga yena cu santo y saconan di santo. Awor aki e lo bay sosode cu hekwerkan special. E hekwerkan aki lo wordo poni riba henter e ruta y su entradanan. Cuanto lo wordo poni, pa motibonan di siguridad, polis no kier bisa.
Medidanan visibel y invisibel
Segun fuentenan, esaki lo bay ta un Prinsjesdag cu mas siguridad cu nunca. E centro di Den Haag lo bay converti den un forti chikito. E municipio Den Haag lo tuma medidanan invisibel y visibel pa e dia aki cana sigur y feliz, segun alcalde Pauline Krikke. “Nos ta mira riba e situaciona ctual y riba e nivel di menasa actual pa tuma e medidanan husto.”
Habitantenan por haya esey fastioso, segun alcalde Krikke. “Bishitantenan por wordo pidi pa habri nan tas. Aunke cu e camindanan ta cera. E dia mester caba sigur, pero vooral, festivo,” e alcalde a bisa.
Algun shen persona lo ta activo, manera polis, brandweer, perosnal di hospital y marechaussee. Tambe foyetonan ta wordo parti caminda cu tin tipnan di siguridad.
Atentadonan reciente
Comentarista politico, Frits Wester ta aclarea: “Naturalmente durante e Prinsjesdag semper ta tuma medidanan di siguridad. Ningun hende no kier bisa duro, pero fuentenan interno ta bisami cu esaki lo ta un Prinsjesdag cu lo bay ta esun di mas sigur cu nunca. Y aki ta hunga un rol e reciente atentadonan cu vehiculo na Barcelona, Berlin y Nice. Durante e atentadonan aki trucknan di carga a wordo uza como arma mortal.”
E hekwerknan robusto a wordo anteriormente gehuur pa polis y tambe a wordo poni durante e recepcion special den e Binnenhof. Awo Polis Nacional a cumpra e baricadanan aki. “Nan lo wordo uza tambe durante otro eventonan,” Yvette Verboon di e unidad di polis Den Haag, a splica.
Fuente: www.rtlz.nl