Despues cu a saca e noticia cu Prome Minster Mike Eman a bsa cu lo bay cera dump, sindicato SEPPA a manda carta pa haya un reunion. pero esaki nunca a yega. Na momento cu SEPPA a tuma accion dialuna mainta cu su miembronan, mesora esaki a yama atencion di Gobierno cu nan a logra haya un reunion, pa asina haya sa kico ta e plan di Gobierno, segun Edmundo Marlin.
El a splica cu en berdad despues di dos siman pasa, a scucha expresionnan di Prome Minister y despues siman pasa, door di minister de Meza. Cartanan a bay y nan no a contesta. Ora cu a manda e di dos carta diabierna, caminda cu a ilustra cu si no bin e reunion den 2×24 ora, por spera accion y accion a tuma luga dialuna mainta na Serlimar, manera ya indica. Mientras tanto pa 10’or di mainta a wordo yama pa e reunion.
Den e reunion aki a indica na minister cu door di locual cu a wordo participa, locual cu a wordo accentua, locual ta wordo papia door di prome minister y door di minister de Meza mes, den prensa, situacionnan ta cuminsa presenta, manera cu dump ta word cera awe pa mañan. E ora e pregunta ta surgi kico ta pasa cu e sushi. Eynan el a bisa cu no, e no ta bay asina. Locual cu e tabata kiermen cu e situacion cu tin na dump, e no por sigui bay cun’e asina mas. Ta nifica cu lo tin cu bay cuminsa mas lihe posibel cu saneamento di dump y djey pa un otro luga, un otro sigui, caminda eynan ta bay bira e dumpsite, caminda cu lo bin incinerator y burners pa atende cu e sushi. E ora eynan a bisa e minister cu den e protocol cu ministernan a firma, ta palabra cu mester bin cu un plan. Ora e trahadonan scucha cu dump ta cera y ta papia di per direct, ningun hende no sa di e plan y kico ta bay sosode, con ta bay sigui cu e dump. No ta situacion bon awor aki, tur sa di esey y ta di acuerdo cu algo tin cu wordo haci. Pero ora cu ta dicidi cu ta bay haci cambio, mester tin e plan in place pa bisa con ta bay atende cu e situacion aki y esey no ta e caso, segun Marlin.