E expo lo tuma lugar dia 20-24 di Agustus 2018 na Biblioteca Nacional Aruba (Oranjestad) for di 8 or di mainta te cu 7 or di anochi (dialuna, diaranzon, diabierna) y for di 8 or di mainta te 5 or di atardi (diamars y diahuebs). En coneccion cu e expo aki oficina di estadistica (CBS) lo presenta un corto resumen di cada Censo organisa na Aruba.
Censo 1991
Durante e conteo di e poblacion di Aruba, ariba 1991, tabatin 66,687 persona. E grupo
aki tabata consisti di 49% di hende homber y 51% di hende muher.
E poblacion por a wordo parti den e siguiente categorianan:
- 0-14 aña (24%)
- 15-24 aña (13%)
- 25-64 aña (55%)
- 65 aña of mas (7%)
Mucha y hobenan cu tabata bay scol por wordo parti den e siguiente categorianan:
- 0-5 aña (55,6%)
- 6-11 aña (99,0%)
- 12-17 aña (93,1%)
- 18-24 aña (23,6%)
- 25 aña of mas (0,5%)
Estado civil di e poblacion:
- Nunca a casa (52,4%)
- Casa (37,7%)
- Divorcia (6,2%)
- Vuido/vuida (3,7%)
Den 1991, tabatin 19.254 vivienda. 57.1% di nos poblacion, 15 aña of mas ta forma parti di nos forsa laboral. 68.0% ta consisti di hende homber y 46.8% di hende muhe.
Den 1991 e top 5 nacionalidad tabtata lo siguiente: Hulandes, Domincano, Colombiano y Curasoleño y Mericano. 76,1% di e poblacion a nace na Aruba y 23,9% den exterior.