Explosion na aeropuerto di Cairo

0
RBC Juli 2018
ling and sons porciento
Funmiles-2018

Un explosion grandi a wordo scucha na aeropuerto di Cairo y biahenan a wordo suspendi mei mei di informacionnan di cu’n sala di almacenamiento di combustible lo a pega candela. Imagennan ariba Twitter tabata mustra un columna grandi di huma cu tabata sali for di e zona di e aeropuerto di Egipto, ilumina den colornan oraño y cora. Informenan inicia riba rednan social a sugeri cu lo ta un avion di pasahero lo a pega candela, prome cu e por a lanta vuelo. Sin embargo, fuentenan di siguridad a confirma cu un sala di almacenamiento di combustible ta involucra. Residente y fuentenan di siguridad a informa di a scucha un explosion.
Potret poni ariba rednan social di e periodista Egipcio, Rita Khoury parce di ta mustrando vlamnan di candela destrosando un edificio di por lo menos dos piso.
Un fuente a declara na Reuters cu e vuelonan a wordo suspendi temporalmente mientras cu autoridadnan ta investigando e explosion, cu por a wordo scucha den gran parti di e ciudad.
Minister di Aviacion Civil Egipcio a bisa cu movimentonan aereo no a wordo afecta.
Un miembro di siguridd a bisa Reuters cu un investigacion ta andando.
Pa mas o menos 11 or y 20, ora di Cairo, autoridadnan di defensa civil di Egipto a declara na television estatal cu e candela ta bou di control.

Comments

comments

C: Heineken
new india
dvg