ESMIMA, Turkia – Un explosion a tuma luga diahuebs cerca di un tribunal den e ciudad di Esmima, na Turkia y a laga por lo menos dos persona morto, un polis y un miembro di e tribunal, ademas di varios herido.
Polis di e ciudad aki west di Turkia a abati dos di e atacantenan y ta buscando un tercer sospechoso di a activa e explosivo, segun Anadolu.
Esmima ta un puerto concuri di Lama Egeo y ta e tercer ciudad mas grandi di Turkia cu mas di 2 miyon di habitante.
Duro comienso di aña
Turkia ainda ta conmovi pa e atake di Aña Nobo den un discoteca di Istambul, cu a laga por lo menos 39 morto. Segun Anadolu, por lo menos otro 69 persona a resulta herida, mientras e atacante ta sigui profugo.
Polis a detene 34 sospechoso, excluyendo esunnan captura den razzianan diahuebs, e agencia di noticia ta sigura.
ISIS a atribui na e responsabalidad di e atake den un mensahe atrabes di Twitter, pero CNN no por a verifica di manera independiente e informacion aki. E grupo terorista a afirma cu nan a ehecuta e pio atake terorista den loke ta 2017.
E siman aki, e minister di Interior Sleyman Soylu a bisa legisladornan di su pais cu e forsanan di siguridad Turco a preveni 339 atake terorista den 2016, 80 di nan den e ultimo trimester di e aña.
Den su discurso dilanti Parlamento, Soylu a cita e atakenan di militantenan di e Partido di Trahadonan di Kurdistan (PKK), mescos cu e atakenan di Daesh, e termino Arabe di ISIS.
Segun Anadolu, Soylu a bisa cu 313 di e incidentenan aki a wordo planea pa PKK, 22 pa Daesh y cuater pa gruponan radical di izquierda.” En total, 247 explosivonan imporvisa y 61 autobom a wordo incauta pa polis den 12 luna.
Tambe a revela e captura di 23 presunto atacante suicida, mescos di 41 miembro di gruponan terorista cu tabata prepara atake.
Fuente: CNN en Español