MANCHESTER, Reino Uni- Autoridadnan a lansa un advertencia pa hendenan keda leu for di e Manchester Arena, despues di reportenan di dos zonido fuerte durante un concierto di Ariana Grande dialuna anochi. Tin informacion di varios personanan cu a perde nan bida.,
Den un publicacion riba Facebook di polis di Manchester: “ Servicionan di emergencia ta respondiendo na e informacionann di un expolsion den e Manchester Arena. Tin un serie di mortonan confirma y heridonan.”
Polis di Trafico Britanico a bisa di ta den proceso di cera algun transporte local despues di e incidente.
Un alerta di servicio riba e website di National Rail a bisa cu e servicionan di emergencia ta lidiando cu un incidente cerca di Manchester Victoria, cual a resulta den cierte di tur e liñanan di servicio”.
Segun National Rail, e treinan actualmente ta incapaz di bay pa of for di Manchester Victoria. Algun biahe di e treinnan lo wordo cancela.
Testigonan a raporta di a skucha golpinan fuerte procedente di e luga, mientras bisiñanan ta informa di a skucha un explosion pa despues wak hendenan ta huy den gruponan grandi. E zonido tabata hopi duro, cu personanan bibando den e compleho di apartmentnan a skuche for di e parti patras di nan apartment.
UPDATE:
Segun ultimo informenan, polisnan no ta descarta cu e explosion despues di e concierto di Ariana Grande lo por ta un acto terorista. Esey ta e hipotesis cu polisnan ta maneha, te ora cu tin mas claridad ariba e sucedido.
Un total di 19 persona a perde nan bida y 50 mas a resulta herida.
Fuente: www.theguardian.com