BRUSELAS, Belgica- Polis Belga diamars a tira un homber mata. Esaki ta bin despues cu un explosion chikito a tuma luga den e Station Central di trein na Bruselas, segun fuentenan policial a informa. Despues di e explosion, polisnan a evacua e station di trein.
E mesun fuentenan a indica cu no tin informacion di heridonan despues di e explosion, cual a provoca un estampida den e station di tren di e capital Belga, ademas di interumpi trafico feroviario y liñanan di metro.
Prome Minister Belga, Charles Michel, y e Minister di Interior, Jan Jambon, ta sigui e situacion di cerca y a establece un centro di crisis, el a indica e vocero di e Prome Minister, Frédéric Cauderlier.
Fuente: www.lavozdegalicia.com