ROMA, Italia- Dialuna, usuarionan di rednan social Italiano a cuminsa share foto y videonan di huma y candela. Esaki lo ta procedente di un explosion den cercania di e Aeropuerto di Bolonia.
E candela y e huma den shelo cerca di e aeropuerto di Bolonia a spanta e ciudananonan. Segun Polis, e panico a wordo causa pa un accidente di trafico den cercania.
Un di e imagennan di e explosion cu ta circula ariba Twitter ta duna un bista di e candela for di laira.
Un truck grandi, cu tabata transporta auto, a pega candela cual a causa e explosion, cual a daña e caretera significativamente. No tin informe di niun posibel victima.