Explocion den BSL Laundry tabata un valve di steam cu a rementa

Dialuna merdia alarma grandi a keda bati na BSL Laundry na San Nicolas unda habitantenan a scucha un explocion grandi den direccion di e laundry di biaha Polis y brandweer a mobilisa pa e sitio.Aki a cuminsa evacua e personalnan y laganan keda pafo y personal di brandweer a drenta paden pa busca pa sa unda e explocion aki a bin pero no tabatin nada di candela pero ta simplemente e valve di e steam cu a rementa y a pone tur trabou abou pa un rato. Hefe di brandweer di San Nicolas a yega pa wak e situacion y a drenta paden hunto cu personal halto di BLS laundry y pa 1:15 atardi a start e machine bek.