Diasabra 31 di Maart e evento di Experience San Nicolas a tuma luga. E programacion dedica na e celebracion di Pasco grandi tabata un exito.
Na Cosecha San Nicolas participantenan di e tayer di pinta un Egg Holder a traha piesanan
bunita y segun propio creacion pa dorna nan mesa di come e Pasco Grandi aki. Danki na Romelinda Maldonado pa guia e tayer creativo y pa e demostracion di con por traha e Egg
Holder aki cu material recicla.
Na Museum of Industry tabata tin pintamento, buscamento di webo y contamento di storia pa mucha. Mayornan y tur otro bishitante por a haci un tour den e museo. Danki na e autornan Tanchi Thania y Richard Dabian pa deleita tur mucha cu e storia di “Tico e puyito” y “Ban Buske”, cu ta cuentanan inspirativo cu mensahe bunita.
Roy na Community Museum (banda di CMB San Nicolas) a ricibi bishita di grandi y chikito pa un tour bek den tempo. Tur bishitante a siña mas over di nos herencia cultural. Durante e edicion di Experience San Nicolas aki, e evento a introduci un actividad di Scavenger Hunt pa por bin descubri e ciudad di San Nicolas . Hende di diferente bario di Aruba a bin San Nicolas y yen entusiasmo a participa na e actividad. Famia y amigonan a pasa dushi cu otro y siñando hopi over di San Nicolas.
Danki na Reach your Goal cu a organisa un great actividad pa e evento di Experience San Nicolas. Tambe danki na Charlie’s Bar & Restaurant, Renaissance Aruba Resort y Grill Time
pa por a aporta cu donacion di prijsnan pa e ganadonan. Tur ora cu por, e evento mensual Experience San Nicolas ta incorpora talentonan local den comunidad di San Nicolas den
e programacion. E biaha aki e evento a sostene artistanan jong di San Nicolas cu bou di guia di artista Reginald de Palm a traha un bunita mural riba edificio di Wema. E mural aki ta un piesa mas cu ta embeyece San Nicolas caminda comunidad y turista por bin admira y saca potret di dje. Danki na tur e artistanan cu a participa, specialmente na Wema pa nan colaboracion pa cu e proyecto fantastico aki.
Danki tambe ta bai na tur e comerciantenan na San Nicolas cu un manera of otro ta participa den e evento Experience San Nicolas. Un evento cu ta traha cu hopi dedicacion pa por mustra nos localnan y turistanan kico San Nicolas tin di ofrece.
Pa mas informacion por tuma contact cu nos na 5847090, por email na [email protected] of tambe sigui nos riba Facebook.