SINGAPORE, Singapur- E lider Norcoreano, Kim Jong Un, y presidente di Merca, Donald Trump, a yega diadomingo, na bispo di e cumbre historico. Hopi ta e expectativanan aki, di cual ta spera sea un paso mas dilanti pa sigura e desnuclearisacion di Pyongyang, pero tambe pa caba cu e tension den e peninsula Coreano.
Kim a yega Singapur a bordo di un 747 di Air China, cu segun e webpage di e registro di vuelo Flightradar24, a lanta vuelo for di Pyongyang den oranan di mainta cu destino Beijing, pa despues cambia e number di vuelo una bes cu e ta den aire pa dirigi su mes direccion zuid, segun e agencia di noticia AFP.
Di otro banda, presidente Mericano a yega den su avion Air Force One pa 8 or y 30 anochi, ora local, algun hora despues di e yegada di e lider Norcoreano.
Faltando poco hora pa e reunion tuma luga, e Organisacion di Nacionnan Uni a expresa su apoyo na e cumbre y a reconoce e “balor” di e dos lidernan pa yega na un acuerdo y “alcansa un obhetivo cu ta vital pa e mundo, manera e desnuclearisacion pacifico y verificabel di Noord- Korea.
Di otro banda, Mike Pompeo, secretario di Estado Mericano, a reitera na medionan di comunicacion cu un di e prioridadnan di e administracion Trump ta pa logra e desnuclearsiacion completo y verificabel di Noord- Korea.
Fuente: NTN24