New York, MERCA- Bad hombres (hombernan malo) ta e definicion cu e presidente di Merca, Donald Trump a uza pa refersi su mes na inmigrantenan indocumenta cu e ta acusa di ta un peliger pa su pais.
E mandatario a uza e denominacion aki pa refersi su mes na “narco y violadonan”, cu segun Trump, ta yega Mexico. Pero tambe e ta referi na e gang Centroamericano cu den e ultimo añanan a recupera protagonismo na Merca. Ta trata aki di Mara Salvatrucha of MS-13, integra na Merca den su mayoria pa Salvadoreñonan, descendiente di Salvadoreño y otro inmigrantenan fundamental di Guatemala y Honduras.
Na December Trump a haci referencia specifico na e crimennan mas reciente den cual e organisacion ta envolvi: e asesinato di shete hoben na Long Island, New York, entre September y October di 2016.
Un tribunal di New York a acusa 13 miembro di e gang pa e morto di e hobennan aki. Di e 13 nan aki, 10 ta ilegal y ta kere cu al menos un di nan ya caba a wordo deporta pero a regresa Merca.
Pa haci e caso poco mas complica, siman pasa a haya dos curpa na Virgina, den un crimen unda e gang Mara Salvatrucha ta involucra.
E echonan aki ta parce di duna Trump tur e rason, of por lo menos ta dun’e e excuus pa sigui su atake contra di inmigrantenan.
Pero segun expertonan, e terminologia “bad hombres” no ta hustifica pa nada e atake contra di ilegalnan.