Exitoso introduccion di Minister Plenipotenciario Guillfred Besaril

0
RBC Juli 2018
ling and sons porciento
Funmiles-2018

DEN HAAG- Na Sociëteit de Witte a tuma lugar un recepcion pa introduccion di Minister Plenipotenciario Guillfred Besaril y señora. Tambe tabata tin introduccion di director a.i. di Cas di Aruba mr. Glenn Ling y señora.

E recepcion a conta cu presencia di diferente personahe for di e mundo di politica, cuerpo diplomatico y di e sector comercial, entre nan Secretario di Estado pa Relacionnan den Reino Raymond Knops, miembro di Tweede Kamer Andre Bosman(VVD) y Jobi van den Berg (CDA.

Minister Plenipotenciario a tene un discurso unda a gradici tur esnan presente pa a reacciona positivo riba e invitacion. E mandatario a cuminsa bisa cu Aruba tin desde 17 di November un Gobierno y un Minister Plenipotenciario nobo. ‘Un funcion sumamente importante cu mi ta spera di desplega positivamente cu sosten di e personal di Cas di Aruba. Pa haci esaki bo mester tin un vision. Pesey mi tarea ta pa trece cambio den Cas di Aruba como organisacion. Un cambio cu ta brinda oportunidadnan. Un cu ta menos administrativo, pero ta para pa yuda nos Arubianonan aki na Hulanda. Sea nan ta akinan pa estudio, ta akinan pa motibonan medico of a scohe pa biba na Hulanda. Pa añanan Cas di Aruba a duna guia na studianten. Asina ta cu nos tin e experto den cas,’ asina e mandatario a bisa.

Banda di esey sr. Besaril a bisa cu Cas di Aruba ta bai hunga un rol importante den crea mas pilarnan economico pa Aruba, manera e asina yama “Blue Economy” cu ta concentra riba e lama rond di Aruba. ‘Nos mester pensa den duna servicio di reparacion, abastece y cambio di tripulacion na barconan chikito. Panama a bira grandi riba e tereno aki cu barconan grandi y cu Panama no tin espacio mas pa barconan chikito. Y akinan ta unda Aruba por hunga un rol grandi. E lama rond di Aruba ta relativamente calmo pa por haci esaki. Tambe e diferencia den e temperatura di e awa por wordo usa pa energia alternativo.’

Den su discurso Minister Besaril a menciona como un sector cu e lo concentra riba dje ta e sector primario. Stimulacion di e sector aki por yega na baha importacion. “Mi ta bishitando institutonan pa mira unda nan por yuda Aruba riba e tereno aki. Recientemente mi a haci un bishita di trabao na Universidad di Wageningen y a mira y tende di e experticio cu tin eynan y e disposicion di nan pa brinda sosten na Aruba. Aunke cu Aruba ta chikito cu 120 mil habitante, nos tin mas cu 2 miyon turista cu ta bishita nos isla pa aña. Mi plan ta pa convenci inversionistanan riba e potencial aki di Aruba,’ segun Minister Besaril.
E mandatario a sigi den su discurso, unda ela menciona e aspecto di innovacion cu Gobierno kier stimula y cu esaki ta pas bon den e espacion limita di Aruba y cu e tin su influencia positivo riba e medio ambiente y naturalesa.
‘Nos Gobierno ta determina na traha na sanea e finanzas publico. Nos mester yega na un “balanced budget”, sigi pa un surplus riba e presupuesto y cuminsa na baha e enorme debe nacional di Aruba. E lo no ta facil, pero tampoco e no ta imposibel. Nos afan ta pa logra esaki nos mes y unda Hulanda por yuda, nos lo pidi e sosten aki.’
Finalmente Minister Plenipotenciario Guillfred Besaril a resumi cu Cas di Aruba mester ta mas habri pa nos hendenan, fortifica y madura e relacion cu Hulanda y ta un guia pa inversionistanan pa reforsa e economia di Aruba.

Director a.i. di Cas di Aruba mr. Glenn Ling a tene un discurso unda ela cuminsa na introduci su mes na e invitadonan. Sr. Ling a bisa di ta honra pa e confiansa poni den su persona tanto door di Minister Plenipotenciario Guillfred Besaril como Prome Minister mr. Evelyna Wever-Croes pa ocupa e funcion di director a.i. di Cas di Aruba. Ela bisa cu e ta mira e funcion aki como un reto grandi unda elo brinda sosten na Minister Plenipotenciario Guillfred Besaril pa realisa su plannan.

Potretnan ta cortesia di Nico van der Ven.

Comments

comments

C: Heineken
new india
dvg