CALIFORNIA, Merca – Diahuebs, un ex entrenador di un High School na Torrance, a wordo declara culpabel di 37 cargo di abuso sexual cu el a perpetra contra varios menor a lo largo di varios aña.
Thomas Joseph Snider, di 48 aña, tabata entrenador di e ekipo masculino di lucha libre di Torrance High School entre 2013 y 2015.
Snider a wordo acusa aña pasa di a abusa di 25 studiante durante su tempo como entrenador na e scol, entre September 2013 y Februari 2015. El a wordo inculpa di 26 cargo pa comete actonan lascivo cu menornan di edad entre 14 y 15 aña, tres cargo pa comete actonan lascivo cu menornan di 14 aña y ocho delito leve di abuso sexual contra menor.
Di acuerod cu e testimonio di e victimanan di e ekipo di lucha libre di Torrance High, di edadnan entre 13 y 16 a`a na momento di e hechonan, Snider ta ponenan kita paña y tabata mishi cu nan inapropiadamente na nan partinan priva, bao di e pretexto di ta inspeccionando nan cuero en busca di infeccion. Tambe nan tabta observa nan den baño y tabata duna nan massage.
Snider a declara su mes inocente y su abogado ta alega cu kier pa reduci esaki na incidencia di infeccion cu taneo como impetigo of tiña, frecuente entre esnan cu ta practica lucha liber.
Otro entrenador y representantenan di California Interscholastic Federation a testigua den e huicio, a afirma cu aunke tin saminacionnan di cuero di e luchadornan, esakinan solamente ta wordo realisa na pia, brasa, nek y cara, e piel visibel ora cu tin e uniform bisti di e deporte aki. E normanan ta prohibi pa kita paña dilanti di e entrenador.
E caso a sali na luz na Januari di 2015, ora cu miembronan di e ekipo di Snider a menciona e “inspeccionnan” na e hobennan di otro ekipo di lucha, di West High School. E studiantenan a conta nan entrenador y esaki a tuma contacto cu e administracion di Torrance High, cu a suspende Snider y a avisa polis.
Ademas, Snider tabata acusa di presuntamente abusa sexualmente di un studiante di Madrona Middle School, e tempo ey 11 aña, durante un excursion escolar cu a tuma luga na 1991, tempo cu Snider tabata e docente di carpinteria na e scol aki. E hurado a mustra den e veredicto di e cargo 6 pa 6 y e abogado di Snider a acusa e demandante di inventa e storia pa venga di su cliente, cu a reporta e studiante pa bende droga y provoca su expulsion.
Por lomenos 18 di e implicadonan a presenta ademas na Maart di e aña aki un demanda contra e Districto Escolar di Torrance, door di no a proteha e studiantenan di un depredador sexual manera Snider. Di acuerdo cu e denuncia, director di Torrance High School, e superintendente di e districto y otro miembronan di e districto, a ignorra e alegacionnan di abuso sexual contra Snider of no tabata por a detecta su comportacion iregular.
Snider, kende tabata den libertad bao di fiansa, tras di a wordo deteni na April 2015, a wordo aresta inmediatamente.
Hues lo dicta sentencia dia 28 di October y por yega na pasa resto di su bida den prizon.
Fuente: La Opinion