MIAMI, Merca- Dialuna anochi e ex- mandatario di Panama, Ricardo Martinelli a wordo deteni na Coral Gables, Miami, Merca. Esaki di acuerdo di informenenan di NBC. Pero autoridadnan Mericano no a precisa cual ta e cargonan pa cual Martinelli a wordo aresta. Martinelli tabata presidente di Panama entre 2009 y 2014.
Na September ultimo, e gobierno Panameña ta acusa Martinelli di e uzo ilegal di fondonan publico y el a emiti un solicitud di extradicion pa ex- presidente. Asina mes, un hues federal di Merca a determina cu e politico tabata co- autor di un schema di soborno. Anteriormente, e ex- presidente, na 2015 tabata e centro di investigacion autorisa pa Corte Supremo di Panama pa supuesto spionahe na politiconan, periodista y ciudadanonan y tambe delitonan contra di Administracion Publico y contra di e patrimonio economico durante e Programa di Ayudo Nacional.
Fuente: www.actualidad.rt.com