Ex President Irani Akbar Hashemi Rafsanjani ta muri di atake di curason

0

Akbar Hashemi Rafsanjani, ex President di Iran a muri diadomingo, despues di a haya un ataca di curason. Esaki segun prensa estatal Irani.

Rafsanjani, kende a sirbi dos periodo como president di Iran for di 1989 pa 1997, ainda tabata un figura influyente den politica Irani.

Na momento di su fayecimento, e tabata presidente di e Conseho encarga pa reconcilia e diferencianan entre Parlamento y e Conseho di Guardiannan.

Rafsanjani tabata wordo mira como un figura clave den e movemento Irani modera y tabata un simpatisante di e actual president Hassan Rouhani.