Den Haag / New York – Minister di Relacionnan Exterior demisionario Bert Koenders posiblemente lo regresa bek pa su trabao bieu na Nacionnan Uni. El a wordo mombra como director di e UNDP, e organisacion di desaroyo di Nacionnan Uni.
Koenders lo mester competi pa e trabao aki, cu super bon pago (180 mil euro anual) cu e minister Franses Ségolène Royale, ex casa di President Hollande y David Miliband, ex- Minister Britanico pa Relacionnan Exterior.
Segun fuentenan diplomatico, Koenders tin gran posibilidad. Aunke cu Nacionann Uni ta buscando hendenan muhe pa puestonan halto, un Frances a caba di wordo nombra como director di e misionnan di Paz di Nacionnan Uni. Posibilidadnan pa Francia haya un otro puesto halto ta mimino. Milliband, director di un organisacion di ayudo, lo no ta bon mira na Nacionnan Uni.
E actual director di UNDP su termino ta yega na fin di e luna aki. Prome cu zomer drenta lo mester tin un otro director. E apuro lo ta na fabor di Koenders, segun fuentenan. E miembro di PvdA, cu bou di Balkenende tabata minister di Ontwikkelingssamenwerking a dirigi un mision tanto na Mali como na Ivoorkust. Como director di e mision mas grandi pa e helmann blauw, Koenders a traha un reputacion pa su mes, vooral riba e acuerdonan di pas realisa durante su mandato.
Dia 24 di Maart Koenders tabata tin un combersacion cu Secretario General Guterres na New York. Segun e vocero e minister ya tabata t’ey caba na Merca pa un conferencia di coalcion contra di ISIS y e combersacion a bay mas bien over di e puesto di Hulanda den e Conseho di Siguridad di Nacionnan Uni.