Diaranson hues a dicta sentencia den e caso “Dubnium”, cu a bira conoci como caso “Mondkapjes”. Ta trata di un investigacion na compra di 365.853 florin na cos pa tapa boca dor di BZV na aña 2012. A haci pedido, pero nunca no a entrega e mercancia. Segun Ministerio publico (OM), esaki ta un caso caminda deliberadamente por papia di labamento di placa.
E veredicto ta lo siguiente, e acusado G.H.J.B. (Corsou, 1971) a haya castigo di 8 luna prizon. E demanda di OM tabata 15 luna prizon. E acusado A.J.J.S. (Corsou, 1963) a haya castigo di 20 luna prizon. E demanda di OM tabata 34 luna prizon. A.A.M. (Corsou, 1971) a haya libertad conforme demanda di OM. E acusado J.V.A.C. (Corsou, 1973) a haya un castigo di 20 luna prizon y 5 aña e no mag eherce e funcion como minister. E demanda di OM contra Sra. Constansia tabata 34 luna prizon y prohibicion pa traha como minister pa un periodo di 5 aña.